കലാ കൃഷ്ണൻകുട്ടിപൊതുവാൾ .............ഒരനുസ്മരണം

               കലാ കൃഷ്ണൻകുട്ടിപൊതുവാൾ                                                      ഒരനുസ്മരണം                                                                യശ: കലാമണ്ഡലം  കൃഷ്ണൻകുട്ടിപ്പൊതുവാളാശാൻ 1960 നു മുമ്പുതന്നെ വാഴപ്പള്ളികളികൾക്കു വരാറുണ്ടെങ്കിലും ഞങ്ങൾതമ്മിലുള്ള സൗഹൃദം സുദൃഢമാകുന്നത് 1960 നുശേഷമാണ് .. തെക്കേമലബാറിലുള്ള  കലാകാരന്മാരെ പരിചയപ്പെടാൻ   എൻറെ ഉറ്റ സ്നേഹിതൻ പരേതനായ മുണ്ടിയൂരില്ലത്ത് വിഷ്ണുനമ്പൂതിരിയുടെ ( തിരുമേനി ) സഹായം ലഭിച്ചിരുന്നു ..അദ്ദേഹമാണ് പൊതുവാളാശാനെ പരിചയപ്പെടുത്തിത്തന്നതും .........................ഞങ്ങൾക്കു ചുമതലയുള്ള ഉത്സവക്കളികളുടെ നടത്തിപ്പിലേക്ക് യശ; രാമൻകുട്ടിയാശാനും പൊതുവാളാശാനും വളരെയധികം സഹായം ചെയ്തിരുന്നു ..ഒരിയ്ക്കൽ കലാ ഗോപിയാശാൻറെ രൌദ്രഭീമൻ വയ്ക്കാൻ നിർദ്ദേശിച്ചു .. പക്ഷെ , ആ വർഷം സാധിച്ചില്ല ..അതിനദ്ദേഹം പറഞ്ഞത് : " അതുസാരമില്ല  , അടുത്തവർഷം കലാമണ്ഡലം ട്രൂപ്പു ബുക്കു ചെയ്യുക .. രണ്ടുദിവസം രൌദ്രഭീമൻ വയ്ക്കാം "  എന്ന് തമാശയായി  പറഞ്ഞത് ഓർത്തു പോകുകയാണ് .........................................................................................................1965ലെ കളിക്ക് രാമൻകുട്ടിയാശാൻറെ " പരശുരാമൻ ' കഴിഞ്ഞ്‌ കല്യാണസൌഗന്ധികത്തിലെ ഹനുമാനും ..യശ: കലാ കൃഷ്ണൻനായരാശാൻറെ ഭീമസേനൻ ..രാമൻകുട്ടിയാശാൻറെ സന്മനസ്സും , പൊതുവാളാശാൻറെ പ്രേരണയും , തിരുമേനിയുമായുള്ള സ്നേഹബന്ധവും ആയിരുന്നു അനുകൂലഘടകങ്ങൾ ..രാമൻകുട്ടിആശാൻ സമ്മതിച്ചിരുന്നെങ്കിലും എനിക്ക് അത്ര ഉറപ്പുപോരാ .. ഞാൻ പൊതുവാളാശാനോടു ചോദിച്ചു : '' നോട്ടീസ്സച്ചടിക്കാമല്ലോ ? ''..ആശാൻ സമ്മതംമൂളി .. പരിപാടിദിവസം രാവിലെ പത്തുമണിയോടെ എല്ലാവരുമെത്തി .. വിശ്രമാവസരത്തിൽ പ്രോഗ്രാം നോക്കിയിട്ട് ആശാൻ രാമൻകുട്ടിയാശാനു നൽകി .. അപ്പോൾ അദ്ദേഹം:  " ഇക്കുറി പരശുരാമൻ എൻറെ വഴിപാടാണ് " ..രണ്ടുകഥകൾക്കും പൊതുവാളാശാൻ ആത്മാർത്ഥമായ് കൂടിക്കൊടുത്തു........................................................................................................ ......................................കഴിവുള്ള പലകലാകാരന്മാരെയും വാഴപ്പള്ളിയിൽ വരുത്തുന്നത്തിന് രണ്ടാശാന്മാരും ഞങ്ങളെ ഏറെതുണച്ചിട്ടുണ്ട് .. 1968 ൽ പൊതുവാളാശാൻറെ ആഗ്രഹപ്രകാരം " സഹൃദയ സംഘം "ഇവിടെ കളി നടത്തി .. യശശ്ശരീരയായ  കീഴ്പടത്തിൽ കുമാരൻനായർ ,  വെള്ളിനേഴിനാണുനായർ , ലണ്ടൻ കുമാരൻനായർ , തുടങ്ങിയ ആശാന്മാരും ,  സദനം കൃഷ്ണൻകുട്ടി  , മാടമ്പി സുബ്രമ്മണ്യൻനമ്പൂതിരി  , തിരൂർനമ്പീശൻ തുടങ്ങിയ യുവകലാകാരന്മാരും ട്രൂപ്പിലുണ്ടായിരുന്നു ......................................................................................................ആശാൻറെ കണ്ണും മനസ്സും ചെന്നെത്താത്ത സ്ഥലമില്ല ..അരങ്ങത്തും അണിയറയിലും അവ വ്യാപരിച്ചുകൊണ്ടിരിക്കും .. ഒരിയ്ക്കൽ പുറപ്പാടുകഴിഞ്ഞ് മഞ്ജുതര വിസ്തരിക്കാതെ ഭാഗവതർ " വിഹിത പത്മാവതി " പാടി കലാശിച്ചു ..മാങ്കുളം തിരുമേനി അണിയറയിൽ നിന്ന് " ഗോപി " എന്നു മുദ്രകാണിച്ചു ..ആശാൻ അതുകണ്ട് മുന്നോട്ടുകേറി ചെമ്പടവട്ടം വിസ്തരിച്ചുകൊട്ടി  നാലാമിരട്ടിയോടെ കലാശിച്ചു ..അങ്ങനെ ആശാൻറെ പ്രത്യുല്പന്നമതിത്വം അരങ്ങത്തുണ്ടാകുമായിരുന്ന പ്രതിസന്ധി പരിഹരിച്ചു ...............................................വേഷം , പാട്ട് , കൊട്ട് , ചുട്ടി , ചമയം തുടങ്ങി എല്ലാ മേഖലകളിലും സുചിന്തിതവും സുദൃഢവുമായ അഭിപ്രായങ്ങൾ , ലേഖനങ്ങളിലൂടെയും  പ്രസംഗങ്ങളിലൂടെയും , പുസ്തകരൂപത്തിലും ( മേളപ്പദം , മേളപ്പെരുക്കം ).പ്രസിദ്ധീ കരിക്കപ്പെട്ടിട്ടുണ്ട് ..  അഷ്ടകലാശം , സ്ഥായീഭാവം , വർണ്ണനകൾ , ഇളകിയാട്ടങ്ങൾ .അരങ്ങിൽ  കൂട്ടുവേഷങ്ങളുമായി  ചേർന്ന് സന്ദർഭം സജീവമാക്കുക , രംഗത്തുകാണുന്ന അനൗചിത്യങ്ങൾ ഇവയെയെല്ലാം അദ്ദേഹത്തിൻറെ തൂലികയ്ക്കു വിഷയീഭവിച്ചിട്ടുളള പലകാര്യങ്ങളിൽ ചിലതുമാത്രമാണ് ................................ ..................................................ഒരു മധുരപ്രതികാരത്തിൻറെ കഥകൂടി സൂചിപ്പിച്ചുകൊള്ളട്ടെ .. 1972 ൽ എറണാകുളം ക്ലബിൻറെ വാർഷികത്തിന് ഞാനും തിരുമേനിയും കൂടി പോയി ..വാഴപ്പള്ളികളിക്ക് കലാകാരന്മാരെ ബുക്കുചെയ്യുകയും വേണം .. ഞങ്ങൾ കലാ കേശവനേയും , കലാ ചന്ദ്രമന്നാടിയരേയും ക്ഷണിച്ചു .. എന്നിട്ട് ആശാനെ സമീപിച്ചു ..അദ്ദേഹം ഇതൊക്കെ കണ്ടുകൊണ്ടിരിയ്ക്കുകയായിരുന്നു ..അതിനാൽ പരിഭവം തോന്നുകയും അതു പ്രകടിപ്പിക്കുകയും ചെയ്തു .. വാഴപ്പള്ളി കളികഴിഞ്ഞ് ഞാൻ പറഞ്ഞു; '' കഴിഞ്ഞവർഷം ആശാനോട് അപമര്യാദയായി പെരുമാറിയ സ്ഥലത്ത് ഈ വർഷം ആരെയും കിട്ടാതെ പോയി .. അതുതന്നെയായിരുന്നു ഞങ്ങളുടെ ഉദ്ദേശ്യവും " ..അദ്ദേഹം കൃതജ്ഞയോടെ എന്നെ നോക്കി ....................................................ഇങ്ങനെ , ചിതറിക്കിടക്കുന്ന ചില അനുഭവങ്ങളുടെ കീറുകൾ തപ്പിയെടുത്ത് നിരത്തിവച്ചു എന്നേയുള്ളു .. കഥകളിയിലെ വിജ്ഞാനപ്രദമായ പല അറിവുകളും പകർന്നുതന്ന യശ: കലാ കൃഷ്ണൻകുട്ടി പൊതുവാളാശാന് എൻറെ ഹൃദയംനിറഞ്ഞ  സ്മരണാഞ്ജലികൾ !!!!!!!!!!