കാലനിർണ്ണയപ്പട്ടിക - ഭാഗം - 4 ( 121 മുതൽ 160 വരെ )

 കാലനിർണ്ണയപ്പട്ടികഭാഗം4(121മുതൽ160}വരെ)....................................                          121-വാരണപ്പള്ളിൽ  കുട്ടപ്പപ്പണിക്കർ -1906-1945-വലിയപപ്പുപ്പണിക്കരുടെ  ഇളയപുത്രൻ  ....പത്മനാഭപ്പണിക്കരുടെ  ശിഷ്യൻ  ....അച്ഛൻറെ ആകൃതിവിശേഷവും  കലാവാസനയും   എള്ളിടവിടാതെ മകനിലും പകർത്തിയിരുന്നു ....ചെറുപ്പത്തിൽതന്നെ  ആദ്യവസാനവേഷങ്ങൾ  കെട്ടിപേരെടുത്തു  ....പക്ഷെ  ദുർവിധിയാൽ  അച്ഛനെപ്പോലെ  മകനും 39 വയസ്സിൽ  അകാലമരണംപ്രാപിച്ചു....  വാരണപ്പള്ളിയിൽവച്ചു ദുര്യോധനവധത്തിൽ ദുര്യോധനനായി ആടിക്കൊണ്ടിരിക്കെ പെട്ടെന്നു ബോധരഹിതനായി  നിലംപതിച്ചു , ബോധംവീണ്ടുകിട്ടാതെ  മരണമടഞ്ഞു .............................................................................................................................................................  ..122-കാവുങ്ങൽ  ശങ്കരൻകുട്ടിപ്പണിക്കർ - 1905- 18. 4 1990-അമ്മാവൻ കോന്തുണ്ണിപ്പണിക്കർ ശങ്കരൻകുട്ടിയെ 11 വയസ്സിൽ കച്ചകെട്ടിച്ചു  ....അപ്പുണ്ണിപൊതുവാളുടെകീഴിൽ കിള്ളിക്കുറിശിമംഗലത്തുവച്ചു 2 -3 കൊല്ലം  അഭ്യാസംതുടർന്നു ...1924 ൽ വെള്ളിനേഴിവച്ച് രാമുണ്ണിമേനോനാശാൻ  ആദ്യവസാനങ്ങൾ പഠിപ്പിച്ചു  ...പലകളിയോഗങ്ങളിലും പ്രവർത്തിച്ചു  ..മൃണാളിനി  സാരാഭായിയുടെ ക്ഷണംസ്വീകരിച്ചു "ദർപ്പണ"യിൽ അഭ്യസനംനടത്തി ....1952 മുതൽ കൊല്ലങ്കോട്ടുരാജാസ് സ്കൂളിൽ അധ്യാപകനായിരുന്നു  ....1947 മുതൽ കൊട്ടാരം  നടൻ..

.

  ...123-മാങ്കുളം വിഷ്ണുനമ്പൂതിരി -1906-19.4.1981-കാർത്തികപ്പള്ളി താലുക്കിൽ കണ്ടല്ലൂരിൽ മാങ്കുളം കേശവൻ നമ്പൂതിരിയുടെ പുത്രൻ....കീരിക്കാട് കറുത്തശങ്കരപ്പിള്ളയുടെ കീഴിൽ കച്ചകെട്ടി ....പിന്നീട് ചെന്നിത്തല കൊച്ചുപിള്ളപ്പണിക്കരുടെയും കുറിച്ചി കുഞ്ഞൻപണിക്കരുടെയും കീഴിൽ തുടർന്നു പഠിച്ചു ....കീരിക്കാട്ടു കൊച്ചുവേലുപ്പിള്ളയുടെകൂടെ  രംഗപരിചയവും ലഭിച്ചു .... ആദ്യവസാന പച്ച , കത്തി വേഷങ്ങൾ , ശ്രീ രാമൻ , ശ്രീകൃഷ്ണൻ .....ഏറ്റവും ജനപ്രീതി നേടിയ വേഷം ശ്രീകൃഷ്ണൻ ....1960 നടുത്ത് കീരിക്കാട്ട് "സമസ്ത കേരള കഥകളി വിദ്യാലയം "സ്ഥാപിച്ച് കളരിയും , കളിയോഗവും ക്ലബ്ബും നടത്തി വന്നു ....ചിറക്കര മാധവൻകുട്ടി , ഇഞ്ചക്കാട് രാമചന്ദ്രൻപിള്ള തുടങ്ങിയ പ്രമുഖർ ശിഷ്യർ ....തിരുവനന്തപുരത്ത് ഇഷ്ടവേഷമായ ശ്രീകൃഷ്ണൻ കെട്ടി സ്വർഗ്ഗംപൂകി ..

...........

........

124-ചമ്പക്കുളം പാച്ചുപിള്ള -1906-11.5.2004-ചമ്പക്കുളം ശങ്കുപിള്ളയാശാൻറെ മരുമകൻ....ആശാൻറെപുത്രനായ പരമുപിള്ളയുടെ കീഴിൽ 13 വയസ്സിൽ അഭ്യാസം തുടങ്ങി ....ആദ്യം സ്ത്രീ വേഷം ....നല്ല ഉയരം വച്ചതോടെ തിരുവിതാംകൂറിൽ ഒന്നാം "താടി"യായി ....75-80 വയസ്സിൽ കളിയിൽനിന്ന് വിട്ടുതുടങ്ങി ....അവസാനകാലംവരെയും ആരോഗ്യവാനായി , മക്കളും , കൊച്ചുമക്കളുമായി സസുഖം ജീവിച്ചുപോന്നു            .                                                                                             ,,,,,,,,,,,,,,,,,,,,,,,,,,,,,,,,,,,,,,,,,,,

.                                             ചിത്രങ്ങൾ കടപ്പാട് ആർട്ടിസ്റ്റ് രാജു ........................

 ............                                                

                                                                                                                                                            ...125-തിരുവല്ല ചെല്ലപ്പൻപിള്ള -1909-

.-നീലകണ്ഠനുണ്ണിത്താൻറെ ശിഷ്യൻ ....കൊട്ടാരം കളിയോഗത്തിൽ ഗുരുനാഥൻറെ ഒഴിവിൽ പോന്നാനിയായി  .......................................................................................................................................................................126- വാഴേങ്കടകുഞ്ചുനായർ-6-.9.1909-19.2.1981-  കോപ്പൻനായരും  ഗോവിന്ദപ്പിഷാരടിയും 3-4 വർഷം പഠിപ്പിച്ചു ....പിന്നീട് വാഴേങ്കട , വെള്ളിനേഴി ഇവിടങ്ങളിൽ രാമുണ്ണിമേനോൻറെ കീഴിൽ പരിശീലിച്ചു ....ഇക്കാലത്ത് കുട്ടിത്തരം , ഇടത്തരം , ആദ്യവസാനങ്ങൾ മുറയ്ക്കുപഠിച്ചു ....കോട്ടയ്ക്കൽആശാനായും കലാമണ്ഡലത്തിൽ ആദ്യപ്രിൻസിപ്പാളായും സേവനം അനുഷ്ഠിച്ചു.....1949 ൽ വാഴേങ്കടവച്ച് നാട്ടുകാർ "കിരീടം" സമ്മാനിച്ചു ....സാമാന്യം പാണ്ഡിത്യം , ആട്ടത്തിന് പ്രത്യേക പ്രൗഢി .... ധർമ്മപുത്രർ , ബാഹുകൻ , സന്താനഗോപാലത്തിൽ ബ്രാഹ്മണൻ...

....

                          .,......................................................................................................................................................................127-വെള്ളിനേഴിനാണുനായർ-1910-.1986..-കോപ്പൻനായരുടെ മകനും ശിഷ്യനും ....1921 ൽ പിതാവിൽനിന്ന് കച്ചയും മിഴുക്കും വാങ്ങി ....ആദ്യം സ്ത്രീവേഷം ....1934 നുശേഷം "താടി" , അഞ്ചേമുക്കാലടിപൊക്കം , ഒത്തശരീരം , പ്രകാശമുള്ള വലിയകണ്ണുകൾ , വേഷപ്പകർച്ച , അലർച്ച തുടങ്ങിയഗുണങ്ങൾ ഒത്തുചേർന്നിരുന്നു....ജരാസന്ധൻ , ത്രിഗർത്തൻ , സിംഹിക -പ്രസിദ്ധം

.

 ..128-പള്ളിപ്പുറം ഗോപാലാൻനായർ-1912 -1981-വയലാർ ഉണ്ണിപ്പിള്ളയുടെ ശിഷ്യൻ ....തരക്കേടില്ലാത്ത മെയ്യും അഭിനയവും ....ആദ്യവസാനവേഷങ്ങൾ-പച്ച , കത്തി , കരി -കെട്ടിയിരുന്നു ....നല്ലവേഷപ്പകർച്ച....എന്നാൽ മുഖത്തെ വസൂരിക്കലയും , കറുത്തനിറവും കാരണം മിനുക്കു കെട്ടിയിരുന്നില്ല....തിരുവിതാംകൂറിൽ നല്ല പ്രചാരം സിദ്ധിച്ചിരുന്നു ....ഫാക്റ്റ് സ്കൂളിലും  ഇരിങ്ങാലക്കുട കലാനിലയത്തിലും പ്രധാന അധ്യാപകനായിരുന്നു ....ആലപ്പുഴയിൽ   മുല്ലയ്ക്കൽ ക്ഷേത്രത്തിൽ   കളി കഴിഞ്ഞ് അസുഖമായി   .   ആസ്പ്പത്രിയിൽവച്ചു മരണമട ഞ്ഞു                                                                                                                                          .

..129-പയ്യന്നൂർ കുഞ്ഞിരാമമാരാർ-1912-......-മദ്ധളവാദകൻ....വെങ്കിച്ചൻസ്വാമിയുടെ ശിഷ്യൻ ....പറശനിക്കടവു മുത്തപ്പൻ കളിയോഗത്തിൽ മദ്ധളം ആയിരുന്നു                                                                                                                                                                                                                                                           130-  കൃഷ്ണൻനായർ -11.3.1914 -15.8.1990-വടക്കേ മലബാറിൽ ഏഴിമലയ്ക്കു സമീപം ചെറുതാഴം അംശം പുതിയേടത്തുവീട്ടിൽ....1928 ൽ വാരണക്കോട്ടു കളിയോഗത്തിൽ ചന്തുപ്പണിക്കരാശാൻറെ ശിഷ്യനായി കച്ചകെട്ടി ....1933 ൽ കലാമണ്ഡലത്തിൽ ചേർന്ന് കുഞ്ചുക്കുറുപ്പ് , രാമുണ്ണിമേനോൻ ,ഇവരുടെകീഴിൽ അഭ്യാസം തുടർന്നു.....അന്ന് "പൂതനകൃഷ്ണൻ"എന്നപേരും  സമ്പാദിച്ചു ....ഒപ്പം രൌദ്രഭീമനും....ദേശമംഗലത്തുവെച്ച് മാണിമാധവച്ചാക്യാരോടു രസാഭിനയം പഠിച്ചു....കലാമണ്ഡലത്തിൽ മോഹിനിയാട്ടം പഠിച്ചിരുന്ന കരിങ്ങമണ്ണ  കല്യാണിക്കുട്ടിയമ്മയെ 1943 ൽ വിവാഹം ചെയ്തു ....ആദ്യം ആലുവായിലും പിന്നീട് തൃപ്പൂണിത്തുറയിലും താമസമാക്കി ....R  L  V സ്കൂളിൽ പ്രധാന കഥകളി അധ്യാപകനായിരുന്നു ....ആദ്യവസാന പച്ചവേഷങ്ങൾ വളരെ വിശേഷം ....എന്നാൽ കഥകളിയിലെ സകലവേഷങ്ങളും നന്നായ് ഇണങ്ങിയിരുന്നു ....ആടാത്തവേഷങ്ങൾ ഇല്ലതന്നെ ....അസാമാന്യ വേഷസൌന്ദര്യം , വലിപ്പം , പ്രകാശമുള്ള വലിയകണ്ണുകൾ , വെളുത്തനിറം , അനായാസമായ രസാവിഷ്കരണം  മുതലായഗുണങ്ങൾ............. നിറഞ്ഞ നടനായിരുന്നു ....                                                         

                                 -                                                             .                                                                 . ..131-കുറൂർ വാസുദേവൻ നമ്പൂതിരി -14.8.1914 -17.12.2013-കോട്ടയത്തിനടുത്ത് പാറമ്പുഴയിൽ...ഗുരു കുറിച്ചി കൃഷ്ണപിള്ള ....ചെറുപ്പത്തിലേ സംസ്കൃതം പഠിച്ച് പുരാണ പരിജ്ഞാനം നേടി  ....ആരോഗദൃഢഗാത്രൻ  ....താടിവേഷങ്ങൾ കെട്ടി പ്രശസ്തനായി ....കൂടാതെ കരി , മിനുക്ക് ഇവയും ഇണങ്ങിയിരുന്നു ....പാഠകവും ജാലവിദ്യയും നടത്തുമായിരുന്നു ...കുറൂർ ചെറിയ വാസുദേവൻ നമ്പൂതിരി - ചെണ്ട -മകനാണ് ....

.

                         മൂന്നു തലമുറകൾ ഒരേ വേദിയിൽ : - മുത്തച്ഛൻ  കാട്ടാളൻ ,   ,                                                 പുത്രൻ മിടുക്കനും പൌത്രൻ മനോജും  ചെണ്ട                                      ..132-കീഴ്പ്പടം കുമാരൻനായർ -1915   -26.7.2007-വെള്ളിനേഴിയിൽ ജനിച്ചു . K.R.കുമാരൻ പട്ടിക്കാന്തൊടി ആശാൻറെ കീഴിൽ 12 വർഷം അഭ്യസനവും രംഗപരിചയവും ലഭിച്ചു ....പല കളിയോഗങ്ങളിലും നടനായും ആശാനായുമിരുന്നു....ഗുരുനാഥൻറെ അന്ത്യകാലത്തു ശുശ്രൂഷിക്കുവാനുള്ള ഭാഗ്യമുണ്ടായി ....1941 നുശേഷം മദ്രാസ്സിൽ ചലചിത്ര പ്രസ്ഥാനവുമായി ബന്ധിച്ച്" M N നമ്പ്യാർ , M G  R” തുടങ്ങിയവരെ  നൃത്തംപഠിപ്പിച്ചു ....കുറേക്കാലം പേരൂർ ഗാന്ധിസേവാസദനത്തിൽ അധ്യാപകനായിരുന്നു ....ഇടക്കാലത്ത് ആസ്മരോഗം പിടിപെട്ടു ....എന്നാൽ  M  G  R   മുതലായവർ മദ്രാസ്സിൽ കൊണ്ടുപോയി ചികിൽസിപ്പിച്ച്  രോഗവിമുക്തനാക്കി ....അതോടെ ശരീരകാന്തിയും വേഷസൗന്ദര്യവും വർദ്ധിച്ചു....ഒത്തഉയരം , ഉറച്ചശരീരം , വിടർന്നകണ്ണുകൾ........പച്ച , കത്തി , വെള്ളത്താടി  വേഷങ്ങൾ പ്രത്യേകിച്ച് മൂന്നു ഹനുമാന്മാരും ഏറെ പ്രസിദ്ധം ....സദനത്തിലെ പ്രധാന ശിഷ്യന്മാരാണ് കൃഷ്ണൻകുട്ടി , ബാലകൃഷ്ണൻ   , രാമൻകുട്ടി ,നരിപ്പറ്റ നാരായണൻനമ്പൂതിരി , ഹരികുമാർ , ഭാസി തുടങ്ങിയ നടന്മാർ

,                  ,,,,,,,,,,,,,,,,,,,,,,,,,,,,,,,

  .133-ചേമഞ്ചേരികുഞ്ഞിരാമൻനായർ-4.7.1915-കരുണാകരമേനോൻറെ അവസാനകാല ശിഷ്യൻ ....മേപ്പല്ലുരുവെച്ചഭ്യസിച്ചശേഷം മുല്ലപ്പള്ളി കളിയോഗത്തിലുണ്ടായിരുന്നു ....ഗുരുവിൻറെ അന്ത്യകാലത്തു ശുശ്രുഷചെയ്യാനുള്ള ഭാഗ്യമുണ്ടായി ....ഇപ്പോൾ കോഴിക്കോടുകേന്ദ്രമാക്കി കഥകളി , ഡാൻസ് സ്ഥാപനം നടത്തിവരുന്നു ...ഈ പ്രായത്തിലും കുചേല വൃത്തത്തിൽ  ശ്രീകൃഷ്ണൻ പ്രസിദ്ധമാണ്

....134 -ഓയൂർ കൊച്ചുഗോവിന്ദപ്പിള്ള-1916-16.8.2008-ചെന്നിത്തല കൊച്ചുപിള്ളപ്പണിക്കരുടെയും കുറിച്ചി കുഞ്ഞൻപണിക്കരുടെയും ശിഷ്യൻ ....ചെറിയ മുഖം ....ഹംസം , ശ്രീകൃഷ്ണൻ , കുചേലൻ ഇവയ്ക്കു പ്രചാരം കൂടുതൽ , പ്രത്യേകിച്ചും ഹംസത്തിന്......

...

..135 -കുടമാളൂർ കരുണാകരൻനായർ-30.11.1917-17.10.2000-കോട്ടയം താലൂക്കിലുള്ള കുടമാളൂരിൽ വാസുദേവപുരത്തു ജനിച്ചു ....കുറിച്ചി രാമപ്പണിക്കരുടെ കീഴിലഭ്യസിച്ചു ....തോട്ടം പോറ്റിയും പിന്നീടു വാഴേങ്കടവെച്ചു കവളപ്പാറയും അഭ്യസിപ്പിച്ചു ....സ്ത്രീവേഷങ്ങൾ പ്രസിദ്ധം ....സ്ത്രീത്വം , സൌന്ദര്യം , നടന ഭംഗി - ഒന്നാംകിട സ്ത്രീവേഷക്കാരനാക്കി....സുദേവൻ , സുന്ദരബ്രാഹ്മണൻ , നാരദൻ തുടങ്ങിയ മിനുക്കു വേഷങ്ങളും കേമമായിരുന്നു ....1939 ൽ കൊട്ടാരം നടനായി ....മധുരവാണിയും , വിനയവും എടുത്തുപറയേണ്ട സ്വഭാവഗുണങ്ങൾ ....മാത്തൂർ ഗോവിന്ദൻകുട്ടി ജാമാതാവും മുരളീകൃഷ്ണൻ കൊച്ചുമകനും....ഇരുവരും സ്ത്രീവേഷക്കാരായി അറിയപ്പെടുന്നു ....ആശാൻ സായിഭക്തനായിരുന്നു  

                                             
.136- ചേർത്തല കുട്ടപ്പക്കുറുപ്പ് -..സംഗീതം പഠിച്ച് നാടകത്തിൽ പാട്ടുകാരനായി.പിന്നീടു കഥകളി രംഗത്തേക്കു വന്നു ....രാഗനിശ്ചയം , കണ്ഠശുദ്ധിവാസനാബലം,ഉറച്ചതാളസ്ഥിതി , ഉച്ചസ്ഥായിൽ പാടാനുള്ള കഴിവ് ....കുറേക്കാലംകഴിഞ്ഞപ്പോൾശബ്ദം അടഞ്ഞ് പാടാൻ ബുദ്ധിമുട്ടിയിരുന്നു..

..

.....137-കോട്ടക്കൽ വാസുനെടുങ്ങാടി -1917- 13.6.1993-  1929 ൽ  P  S   V  നാടകക്കമ്പനിയിൽ ചേർന്നു.....കല്ലുവഴി രാമാപ്പിഷാരടിയുടെ കീഴിൽ കഥകളി സംഗീതം പഠിച്ച് P S V യിൽ അധ്യാപകനായി .....

............

         അപ്പുക്കുട്ടി പൊതുവാൾ  ,  വാസുനെടുങ്ങാടി  ,  നീലകണ്ഠൻ നമ്പീശൻ  ,                                                            കൃഷ്ണൻകുട്ടി പൊതുവാൾ
....138- കേളുനായർ -1918-1995-ഒറ്റപ്പാലത്തിനടുത്ത് മംഗലം....ആദ്യം അപ്പുണ്ണിപൊതുവാളുടെ കീഴിലും കലാമണ്ഡലത്തിൽ കോപ്പൻനായരുടെ കീഴിലും അഭ്യസിച്ചു ....നല്ലവേഷഭംഗിയും അഭിനയവും ....ആദ്യം സ്ത്രീവേഷങ്ങൾ കെട്ടിയിരുന്നു ....കൊൽക്കത്തയിൽ ശാന്തിനികേതനത്തിൽ അധ്യാപകനായിരുന്നു.....

.

                     .കസേരയിൽ ഇരിക്കുന്നവരിൽ:-  3 - യശ്ശ: രവീന്ദ്രനാഥടാഗോർ  ,                                                                                                       5 -     "            കേളുനായർ .......................   ....

..139 - കലാമണ്ഡലം നീലകണ്ഠൻനമ്പീശൻ -2.11.1919-29.3.1985-പൊന്നാനി  താലുക്കിൽ കോതച്ചിറ അംശത്തിൽ ....ബാല്യത്തിൽ അഷ്ടപദി , ഓട്ടൻതുള്ളൽ  ഇവ പഠിച്ചു....കലാമണ്ഡലത്തിൽ ആദ്യ സംഗീത വിദ്യാർത്ഥിയായി ചേർന്നു ....സ്വാമിക്കുട്ടി ഭാഗവതരായിരുന്നു ഗുരു ....തുടർന്ന് , വെങ്കിടകൃഷ്ണ ഭാഗവതരുടെ ശങ്കിടിയായി ധാരാളം അരങ്ങുകൾ ....കലാമണ്ഡലത്തിൽ അധ്യാപകനായും പ്രിൻസിപ്പാളായും സേവനം ....ഒടുവിൽ കോട്ടയ്ക്കൽ P S V നാട്യസംഘത്തിലും പഠിപ്പിച്ചു .....സംഗീതജ്ഞാനം , സ്വരമാധുര്യം , ഉറച്ചതാളം .......പ്രസിദ്ധരായ ധാരാളം ശിഷ്യപ്രശിഷ്യർ

                                                                                                                                                                              .140-കറ്റിശ്ശേരി രാമൻനായർ -1920-1944-വടക്കാഞ്ചേരിക്കടുത്ത് തിച്ചൂർ....രാമുണ്ണിമേനോൻറെ കീഴിൽ അഭ്യാസവും രംഗപരിചയവും നേടി നല്ല സ്ത്രീ വേഷക്കാരനായി ....24 വയസ്സിൽ പനിമൂലം നിര്യാതനായി
.               

       

            .കലാ കൃഷ്ണൻനായർ - നളൻ  ,   കറ്റിശ്ശേരി രാമൻനായർ - ദമയന്തി   ..                                               ...ഫോട്ടോ കടപ്പാട് കഥകളി രംഗം
                                                                                                                                                                                    .141-ശിവരാമൻനായർ-1921-.......-ലക്കിടിയിൽ ജനിച്ചു .....കലാമണ്ഡലത്തിൽ ചേർന്ന് പുലാപ്പറ്റ കുട്ടൻ ഭാഗവതരുടെ കീഴിൽ സംഗീതം അഭ്യസിച്ചു ....നമ്പീശൻറെ ശങ്കിടിയായി , കലാമണ്ഡലത്തിൽ അധ്യാപകനും

....                                   ............ഫോട്ടോ കടപ്പാട് ശ്രീ രാജീവ്  K S  ....................................................................................................................................................142-തകഴി കുട്ടൻപിള്ള-1922-18.9.2007-കാപ്പിൽ നാണുപിള്ളയാശാൻറെ  ശിഷ്യൻ ....പിന്നീട് കുട്ടപ്പക്കുറുപ്പിന്റെ ശങ്കിടി .....തിരുവിതാംകൂറിൽ പ്രസിദ്ധനായ പൊന്നാനി ....മധുരമായ ശബ്ദത്തിൽ അക്ഷര വ്യക്തിയോടെപാടി അരങ്ങുകീഴടക്കി

.....................................................................................................................................................................143-തകഴി മാധവക്കുറുപ്പ്-കൊച്ചുകുഞ്ഞു കുറുപ്പിൻറെ മകനും ശിഷ്യനും ....സോപാനരീതി ...മകൻ കലാനിലയം ഉണ്ണിക്കൃഷ്ണൻ കലാമണ്ഡലത്തിൽ സംഗീത അധ്യാപകനായിരുന്നു ....................................................................................................................................................................144-കാവുങ്ങൽ ചാത്തുണ്ണിപ്പണിക്കർ(2)-1922-29.11.2007-പ്രഥമ ശിക്ഷണം ശങ്കരപ്പണിക്കരിൽനിന്ന് .....കടമ്പൂർ ഗോപാലാൻനായരും അഭ്യസിപ്പിച്ചിട്ടുണ്ട് ....കണ്ണിൻറെ വലിപ്പവും , സാധകവും ,മെയ്യും ,കയ്യും എല്ലാം ഏറെമെച്ചം ....1945 മുതൽ മൃണാളിനിസാരാഭായിയുടെ "ദർപ്പണ"യിൽ അധ്യാപകനായിരുന്നു ....നല്ല ആദ്യവസാനക്കരനായശേഷം കഥകളി വിട്ടത് പ്രേക്ഷകർക്കു വലിയ നഷ്ടമായി

..............................................................................................................................145-മങ്കൊമ്പ് ശിവശങ്കരപ്പിള്ള -25.1.1923-20.3.2014-1936 ൽതകഴി അയ്യപ്പൻപിള്ളയുടെ ശിഷ്യനായി 2-3 കൊല്ലം അഭ്യസിച്ചു ....പിന്നീട് ചെങ്ങന്നൂർ രാമൻപിള്ളയാശാൻറെ കീഴിലും ....1942 ൽ പന്നിശ്ശേരി നാണുപിള്ളയിൽ നിന്ന് രസാഭിനയങ്ങൾ വശമാക്കി ....ദർപ്പണയിലും കലാമണ്ഡലത്തിൽ തെക്കൻകളരിയിലും അധ്യാപകനായിരുന്നു ....സ്ത്രീവേഷത്തിൽ പ്രശസ്തനായി ....ചെങ്ങന്നൂരിലായിരുന്നു സ്ഥിരതാമസം ....പാട്ടിലും കഴിവുണ്ടായിരുന്നു ......

. 146-ചെന്നിത്തല ചെല്ലപ്പൻപിള്ള -1924-31.10.1998-ചെന്നിത്തല കൊച്ചുപിള്ളപ്പണിക്കരാശാൻറെ പൌത്രനും , ശിഷ്യനും .....മാങ്കുളവും ചെങ്ങന്നൂരും അഭ്യസിപ്പിച്ചിട്ടുണ്ട് ....എല്ലാ വേഷങ്ങളും ....എന്നാൽ ഹംസം , മന്ത്രവാദി , നാരദൻ മുതലായ വേഷങ്ങൾ രസികത്തത്തോടെ അഭിനയിച്ചിരുന്നു

....

..147-കലാമണ്ഡലം കൃഷ്ണൻകുട്ടിപ്പൊതുവാൾ -28.5.1924-14.10.1992-വെള്ളിനേഴിയിൽ ജനിച്ചു ....കാരണവരായ കുഞ്ഞികൃഷ്ണപ്പൊതുവാളിൽ  നിന്ന് പ്രാഥമികശിക്ഷണം ലഭിച്ചു ....പതിവ് ക്ഷേത്രചടങ്ങുകൾക്ക് പോകുമായിരുന്നു ....കലാമണ്ഡലത്തിൽവച്ച്  ചിതലി അപ്പമാരാരുടെ  കീഴിൽ തോടയം , പുറപ്പാട് , മേളപ്പദം എന്നിവയും രാമുണ്ണിമേനോൻ ആശാൻറെ കീഴിൽ ചൊല്ലിയാട്ടത്തിനു കൂടാനുംപഠിച്ചു ....മൂത്തമനയുടെ മേളം പൊതുവാളിനെ സ്വാധീനിച്ചു ....സാഹിത്യം , സംഗീതം തുടങ്ങി കഥകളിയുടെ എല്ലാ മേഖലകളിലും പരിജ്ഞാനം ....ധാരാളം ലേഖനങ്ങളും , "മേളപ്പദം “, “മേളപ്പെരുക്കം" എന്നീ ഗ്രന്ഥങ്ങളും പ്രസിദ്ധീകരിച്ചു  . "ഭീഷ്മപ്രതിജ്ഞ" എന്നൊരു ആട്ടക്കഥയും രചിച്ചിട്ടുണ്ട്   .   1966 വരെ            കലാമണ്ഡലത്തിൽ സ്ഥിരാധ്യാപകനായിരുന്നു ....കുടുംബാംഗങ്ങളെ ഉൾപ്പെടുത്തി "അഷ്ടപദിയാട്ടം" പുനർജ്ജീവിപ്പിച്ചു

കലാ കൃഷ്ണൻകുട്ടിപ്പൊതുവാളിന് വള്ളുവനാട് വല്ലഭ വലിയരാജ വീരശൃംഖല  സമ്മാനിച്ചപ്പോൾ
..148-കലാമണ്ഡലം അപ്പുക്കുട്ടിപ്പൊതുവാൾ -1924-27.1.2008-തിരുവില്വാമലയിൽ  ജനിച്ചു ....കലാമണ്ഡലത്തിൽവച്ച് വെങ്കിച്ചൻസ്വാമിയുടെ ശിഷ്യനായി ....അവിടെത്തന്നെ അധ്യാപകനായിരുന്ന് പെൻഷൻ പറ്റി...ശ്രീ പൊതുവാളാശാൻറെ ശിഷ്യ പ്രശിഷ്യരാണ് കഥകളിയിലുള്ള ഇന്നത്തെ പ്രമുഖമദ്ദളവാദകരെല്ലാം ...."പഞ്ചമദ്ദളക്കേളി" അദ്ദേഹത്തിൻറെ സംഭാവനയാണ് ...............ഫോട്ടോ കടപ്പാട് ശ്രീ രാജീവ്‌ K S
.............

..149-കലാമണ്ഡലം അച്ചുണ്ണിപ്പൊതുവാൾ -1926-1991-വെള്ളിനേഴിയിൽ ....കൃഷ്ണൻകുട്ടി പ്പൊതുവാളിൻറെ മാതൃസഹോദരിയുടെ പുത്രൻ....കലാമണ്ഡലത്തിൽ ചെണ്ട അധ്യാപകനായിരുന്ന് പെൻഷൻ പറ്റി ....നല്ല ഒരു തായമ്പക വിദഗ്ദ്ധൻ ....പുത്രന്മാർ തായമ്പക , ചെണ്ട ഇവയ്ക്ക്  പദ്മശ്രീ മട്ടന്നൂരിൻറെകൂടെ   പ്രവർത്തിച്ചുവരുന്നു.

....................

..150-കലാമണ്ഡലം രാമൻകുട്ടിനായർ-25.5.1925-11.3.2013-വെള്ളിനേഴിയിൽ ....രാമുണ്ണിമേനോൻറെ വാർദ്ധക്യകാലശിഷ്യരിൽ അനുഗ്രഹീതൻ....11 വയസ്സുമുതൽ ആശാൻറെ കീഴിൽ .വെള്ളിനേഴിയിലും .കലാമണ്ഡലത്തിലുമായ് അഭ്യസിച്ചു ....1945 ൽ കലാമണ്ഡലത്തിൽ രണ്ടാം ആശാനായ് നിയമിച്ചു ....ഒടുവിൽ പ്രിൻസിപ്പാളായി പിരിഞ്ഞു ....കയ്യും , മെയ്യും , കലാശവും , ചൊല്ലിയാട്ടവും  എല്ലാം വിശിഷ്ടം ....ചൊല്ലിയാട്ടതിലൂടെ ഭാവപ്രകടനത്തിനും കലാശത്തിലൂടെ ആസ്വാദകരെ ആനന്ദിപ്പിക്കുന്നതിനുമുള്ള കഴിവ് എടുത്തു പറയേണ്ടതുതന്നെ ....പച്ച , കത്തി , വെള്ളത്താടി , കരി - എല്ലാം കേമം - "കത്തി"യുടെ സൌന്ദര്യം പ്രത്യേകിച്ചും ...."പരശുരാമൻ" ചിട്ടപ്പെടുത്തി പേരും പെരുമയും നേടി .

.......

.151-ഹരിപ്പാട്ടു രാമകൃഷ്ണപിള്ള -15.5.1925-15.2.1989-ആദ്യം തകഴി രാമൻപിള്ളയോടും , പിന്നീട് കൊച്ചുപിള്ളപ്പണിക്കരോടും   ചെങ്ങന്നൂർ രാമൻപിള്ളയോടും അഭ്യസിച്ചു ....നല്ല വേഷഭംഗി , പച്ച , കത്തി വേഷങ്ങൾ കൂടുതലായ് കെട്ടിയിരുന്നു

,,...

,,,,,,........................152-കോട്ടയ്ക്കൽ ഗോപിനായർ -1926-വാവനൂരംശം....ആദ്യം സ്ത്രീവേഷം ....പിന്നീട് ആദ്യവസാനവേഷങ്ങൾ , മിനുക്ക് .....കോട്ടയ്ക്കൽ അധ്യാപകനായിരുന്നു ....വൈദ്യശാലയുടെ ഏജൻസിയുണ്ട്....................

...............................വാഴേങ്കട കുഞ്ചുനായർ  ,  കൃഷ്ണൻകുട്ടി നായർ  , ...... ....................................അപ്പുവേട്ടൻ(CRRനമ്പൂതിരി) , ഗോപിനായർ
..
   153-കോട്ടയ്ക്കൽ കുട്ടൻമാരാർ-1925-1985-തായമ്പകയിൽ മലമക്കാവു കേശവപ്പൊതുവാളും  കഥകളിചെണ്ടയിൽ  ശ്രീ മൂത്തമനതിരുമേനിയും പ്രധാന ഗുരുക്കന്മാർ ....കോട്ടയ്ക്കൽവച്ച് അഭ്യാസവും അവിടെത്തന്നെ അധ്യാപനവും ....നേർകോലിൻറെ ഈടും ശുദ്ധിയും   ഉരുളിൻറെ നാദസുഖവും പ്രസിദ്ധം .....ചന്ദ്രമന്നാടിയാർ , കൃഷ്ണൻകുട്ടി  തുടങ്ങിയ പ്രഗല്ഭശിഷ്യർ ...

..                                         .ഫോട്ടോ കടപ്പാട് ശ്രീ വിപിൻ   ചന്ദ്രൻ                                                                                154 - കോട്ടയ്ക്കൽ കൃഷ്ണൻകുട്ടിനായർ-1928 – 31.3.2009-വാടാനാങ്കുറിശ്ശി ....1941 ൽ കോട്ടയ്ക്കൽവച്ച് രാമുണ്ണിമേനോൻ , കുഞ്ചുനായർ ഇവർ പഠിപ്പിച്ചു .....ആദ്യം സ്ത്രീവേഷവും പിന്നീട് ആദ്യവസാനവേഷങ്ങളും നന്നായ് ചെയ്തിരുന്നു ....കോട്ടയ്ക്കലിലെ പ്രധാന അധ്യാപകനായിരുന്നു ....അദ്ദേഹത്തിൻറെ ശിഷ്യരാണ്  ചന്ദ്രശേഖരൻ ,  നന്ദകുമാർ തുടങ്ങിയവർ,,

,,.........

...........................................................................................

.....155 - കലാമണ്ഡലം പല്ലശ്ശന ചന്ദ്രമന്നാടിയാർ -......-8.4.1999-കൊല്ലങ്കോടിനു സമീപം പല്ലശ്ശന .....കുട്ടൻമാരാരുടെ ശിഷ്യൻ ....നല്ല താളബോധവും ഈടും കനവും .....കലാമണ്ഡലത്തിൽ അധ്യാപകനായിരുന്ന് പിരിഞ്ഞു ......ധാരാളം ശിഷ്യർ ....മരുമകൻ കൃഷ്ണദാസും  മകൻ കോട്ടയ്ക്കൽ പ്രസാദും പ്രശസ്തരായ ചെണ്ടക്കാർ

..156-കലാമണ്ഡലം പദ്മനാഭൻനായർ - 1928-3.4.2007-രാമുണ്ണിമേനോൻറെ മകനും വാർദ്ധക്യകാലശിഷ്യനും ....തിരുവാഴിയോട് കുറുവട്ടൂരംശത്തിൽ ജനിച്ചു ....1939 ൽ കലാമണ്ഡലത്തിലും പിന്നെ സ്വദേശത്തും വെച്ച് അഭ്യസനം ....ചൊല്ലിയാട്ടം , സാങ്കേതികജ്ഞാനം , സംഗീതവാസന ഇവയല്ലാം നേടിയിരുന്നു ...എല്ലാഇനംവേഷങ്ങളുംചെയ്തിരുന്നു....എങ്കിലുംകളരിയിലായിരുന്നുതാല്പര്യം....കലാമണ്ഡലത്തിൽഅധ്യാപകനായുംപ്രിന്സിപ്പാളായുംസേവനം നടത്തി .........................   ......

. 157-മടവൂർ വാസുദേവൻനായർ-17-4-1929 ---    6 - 2- 2018 - മടവൂർ പരമേശ്വരൻപിള്ളയുടെ  ശിഷ്യനായി 1942 ൽ കച്ചകെട്ടി ...മൂന്നു വർഷത്തിനുശേഷം ചെങ്ങന്നൂർ രാമൻപിള്ളയാശാൻറെ കീഴിൽ ഉപരിപഠനം നടത്തി ....ആദ്യം സ്ത്രീവേഷങ്ങളും പിന്നീട്ആദ്യവസാനവേഷങ്ങളും കെട്ടി പേരെടുത്തു ....കലാമണ്ഡലത്തിലെ തെക്കൻകളരിയിൽ  പ്രധാനാധ്യാപകനായിരുന്നു ....നല്ല സംഗീതജ്ഞാനവും  പൊന്നാനിപാടാനുള്ള കഴിവുo .... പകൽക്കുറി "കലാഭാരതി"യിൽ പ്രധാനസ്ഥാനം വഹിച്ചിരുന്നു ..ബാണനും ജരാസന്ധനും  പ്രസിദ്ധം

 158-  വൈക്കം കരുണാകരൻ -17.4.1929-22.4.1998-കലാമണ്ഡലം രാമൻകുട്ടിനായരുടെ പ്രഥമ ശിഷ്യൻ ....നല്ല അഭ്യാസം ....ഏതു വേഷവും കെട്ടാനുള്ള പരിജ്ഞാനം ....എന്നാൽ ഉയരക്കുറവും ചെറിയ മുഖവും അതിനു പരിമിതി വരുത്തി ....ശ്രീ രാമൻ , ശ്രീ കൃഷ്ണൻ , കചൻ ,സുദേവൻ , ഹംസം മുതലായവ ഭംഗിയായി ചെയ്തിരുന്നു ....പാത്രബോധം  , ഔചിത്യം , താളസ്ഥിതി .......ഫാക്റ്റ് കഥകളി വിദ്യാലയത്തിൽ പ്രിൻസിപ്പാളായ് പിരിഞ്ഞു ....മകൾ Adv: രഞ്ജിനിസുരേഷ് തേച്ച വേഷങ്ങളെല്ലാം കെട്ടാറുണ്ട്  . ഗുരു അച്ഛൻ തന്നെ 

ഇരിക്കുന്നവർ : - കലാ കേശവൻ  ,  വൈക്കം കരുണാകരൻ  ,  കലാ ശങ്കരൻ എമ്പ്രാന്തിരി ............ നിൽക്കുന്നവർ : - കലാ ഹൈദരാലി  ,  കലാ ശങ്കരവാര്യർ ,                        FACTഭാസ്കരൻ..............ഫോട്ടോ കടപ്പാട് ശ്രീ അജിത്‌ മേനോൻ

          159  -  വാരണാസി   മാധവൻ  നമ്പൂതിരി - ( 28-8-1931--24- 5- 2002 ) --   മാവേലിക്കര   . വിദ്യാർത്ഥിയായിരുന്ന കാലത്ത് അരിയന്നൂർ നാരായണൻ നമ്പൂതിരി ചെണ്ട അഭ്യസിപ്പിച്ചു   .  തുടർന്ന് കലാമണ്ഡലം കൃഷ്ണൻകുട്ടിപ്പൊതുവാളിന്റെ കീഴിൽ ഉപരിപഠനം നടത്തി  . അതോടൊപ്പം  ചങ്ങനാശേരി   S B കോളേജിൽ നിന്നും   1955 ൽ   B A പാസ്സായി  . ഒരു ചെണ്ട കലാകാരനായി ജീവിക്കാനായിരുന്നു ആഗ്രഹം  . കലാമണ്ഡലത്തിൽ തെക്കൻ കളരിയിൽ അദ്ധ്യാപകനായി   , പെൻഷൻ പറ്റുന്നതുവരെ സേവനം നടത്തി  . സഹോദരൻ വിഷ്ണു നമ്പൂതിരി മദ്ദളവായനയിൽ പ്രശസ്തനായി  . പുത്രൻ നാരായണൻ നമ്പൂതിരി കലാമണ്ഡലത്തിൽ ചെണ്ട അഭ്യസിച്ച്‌ അധ്യാപകനായി ജോലിനോക്കി വരവേ 2014 ൽ   54  വയസ്സിൽ നമ്മെ വിട്ടു പിരിഞ്ഞു                           

                                                      .                                                                                                                                                                           . 160 -   കലാമണ്ഡലം ഉണ്ണിക്കൃഷ്ണക്കുറുപ്പ് -- ( മാർച്ച് 1931 -  4- 3 - 1988 ) --    വെള്ളിനേഴി  .  അച്ഛൻ രാമക്കുറുപ്പ് കളംപാട്ടിലും നന്തുണിപ്പാട്ടിലും വിദഗ്‌ധനായിരുന്നു  . അതുകൊണ്ട് സംഗീതത്തിൻറെ ബാലപാഠങ്ങൾ അച്ഛനിൽ നിന്നും വശമാക്കി  . പിന്നീട് കലാമണ്ഡലത്തിൽ ചേർന്ന് നീലകണ്ഠൻ നമ്പീശൻറെ കീഴിൽ മൂന്നു വർഷം അഭ്യസിച്ചു  . കുറുപ്പിന് ജന്മവാസനയും  ,  നല്ല താളബോധവും , ശാരീരഗുണവും  ഉണ്ടായിരുന്നു  . ഗുരുവായ നമ്പീശൻറെകൂടെ ശങ്കിടിയായും   .   മഹാനായ വെങ്കിട്ടകൃഷ്ണ ഭാഗവതരുടെ കൂടെ മൂന്നാം പാട്ടുകാരനായും പാടി നല്ല പൊന്നാനിയായിത്തീർന്നു .  ഗാന്ധിസേവാസദനം   ,  ദർപ്പണ   ,   വിശ്വഭാരതി   , കോട്ടയ്ക്കൽ   , കലാമണ്ഡലം എന്നീ സ്ഥാപനങ്ങളിൽ സേവനം നടത്തിയിരുന്നു   .  ഒടുവിൽ മൂന്നു നാല് മാസം ഉദര സംബന്ധമായ രോഗം ബാധിച്ച്‌ 57 വയസ്സിൽ നിര്യാതനായി   .  മകൻ ഹരിദാസ് കലാരംഗത്തു പ്രവർത്തിച്ചു വരുന്നു