....കീചകൻ കവലച്ചട്ടമ്പിയോ ? ......വിരാട രാജാവിൻറെ സ്യാലനും മഹാബലവാനും സൈന്യാധിപനുമാണ്‌ കീചകൻ ...സഹോദരി സുദേഷ്ണ രാജ്ഞിയും...വിരാടനാണ് രാജാവെങ്കിലും ഭരണാധികാരി കീചകനാണ് ...അജ്ഞാതവാസം അവസാനിക്കാറായ കാലത്ത് ഒരു ദിവസം ഉദ്യാനത്തിൽ പൂവിറുക്കുന്ന സൈരന്ധ്രിയെ കീചകൻ കാണുന്നു ...ഒരു ദേവസ്ത്രീയെപ്പോലെ സുന്ദരിയായ സൈരന്ധ്രി - മാലിനി - യിൽ കീചകൻ അനുരാഗ വിവശനായിത്തീരുന്നു...ദാസ്യവൃത്തിവിട്ടു തൻറെകൂടെ സുഖമായി ജീവിക്കാൻ ക്ഷണിക്കുന്നു ...എന്നാൽ മാലിനി ആ ക്ഷണം നിരസിക്കുകയും തൻറെ ഗന്ധർവ്വന്മാരായ അഞ്ചു ഭർത്താക്കന്മാരിലാരെങ്കിലും അറിഞ്ഞാൽ കീചകനെ വധിക്കും എന്നറിയിച്ചു രക്ഷപ്പെടുന്നു .............. ഒരു സഹോദരിയോടു പറയാൻ സാധാരണ മടിക്കുന്ന ഈ കാര്യം കീചകൻ സുദേഷണയെ അറിയിക്കുന്നു ...കാരണം കീചകൻ മാലിനിയിലത്രമാത്രം അനുരക്തനായിത്തീർന്നിരിക്കുന്നു...മഹാഭാരതം വിരാട പർവ്വത്തിലെ വരികൾ ശ്രദ്ധിക്കുക :"ഇവനുള്ളതൊക്കെയും .............പൊന്മണീഭൂഷണം മഹാഗൃഹത്തെയും നമ്മോടു വാങ്ങുകീയിവൾ "...തമ്പിയുടെ കീചകനും മാന്യത കൈവിടാതെയാണ് അഭിലാഷം സഹോദരിയെ അറിയിക്കുന്നത് ...അതായത് മഹാഭാരത കർത്താവും ആട്ടക്കഥാകർത്താവും കീചകനെ " വിടനായി "ചിത്രീകരിച്ചിട്ടില്ല ...സുന്ദരിയായ മാലിനി ഒരു വേലക്കാരിയായി കഷ്ടപ്പെടേണ്ട : തൻറെ പത്നിമാരിലൊരാളായ് വരിക എന്നാണാവശ്യപ്പെടുന്നത് ...ഗാന്ധർവ്വവിവാഹവും ബഹുഭാര്യാത്വവും നിലനിന്നിരുന്ന കാലം ...80 -90 വർഷങ്ങൾക്കുമുമ്പ്  നമ്മുടെയിടയിലും ബഹുഭാര്യാത്വവും അന്യൻറെ ഭാര്യയെ സ്വീകരിക്കലും ചുരുക്കമായുണ്ടായിരുന്നു...അതിനു മാലിനി വഴിപ്പെടാതെ വന്നപ്പോഴാണ് അനുരാഗവിവശനായ ,  സർവ്വാധികാരിയായിരുന്ന കീചകൻ കാമാന്ധനായ് ബലാൽക്കാരത്തിനും മർദ്ദനത്തിനും മുതിരുന്നത് ...വഴിയേ പോകുന്ന സ്ത്രീകളെയും കുഞ്ഞുങ്ങളെയും തട്ടിക്കൊണ്ടുപോയി പീഡിപ്പിക്കുന്ന ഇന്നത്തെ ആൾക്കാരേക്കാൾ എത്രയോ യോഗ്യനാണു കീചകൻ എന്നതും ഓർക്കുക.............................അതുകൊണ്ട് , കീചകനെ റൌഡിയായും വിഷയ ലമ്പടനായും അവതരിപ്പിക്കുന്നത് പാത്രസ്വഭാവത്തിനു ചേർന്നതല്ല...മുമ്പ് പല നടന്മാരും അപ്രകാരം ചെയ്തിരുന്നു ...എന്നാൽ ഇന്ന് , കഥാപാത്രത്തിൻറെ അന്തസ്സ് ഏറെക്കുറെ നിലനിർത്താറുണ്ട് എന്നത് അഭിനന്ദനാർഹം തന്നെ .