.ബ്രാഹ്മണനും   പൂണൂലും ..........................അന്യസ്ഥലങ്ങളിൽ പോയി കഥകളി കാണാറില്ലാത്ത പലരും ഇവിടെയുണ്ട്   .   പദ്മഭൂഷൻ   കലാ: രാമൻകുട്ടിനായരാശാൻ     കത്തിയും വെള്ളത്താടിയും മാത്രമേ കെട്ടാറൂള്ളോ എന്ന് അവർക്കുസംശയം  . അതങ്ങുമാറട്ടെ  എന്നുകരുതി ആ വർഷം വാഴപ്പള്ളിയിൽ സന്താനഗോപാലത്തിലെ ബ്രാഹ്മണൻ നിശ്ചയിച്ചു  . പദ്മശ്രീ കലാ: ഗോപിയാശാന്റെ അർജ്ജുനനും  . രാത്രി പത്തു മണിയാകാറായി .  ഒരാൾ വന്ന് ആശാൻ വിളിക്കുന്നുവെന്നറിയിച്ചു .  ഞാൻ അടുത്തു ചെന്നു .  ആശാൻ : " പൂണുൽ എടുത്തിട്ടില്ല  : ഒരു പൂണുൽ വേണമല്ലോ " . ഞാൻ പെട്ടെന്നു ഷർട്ടൂരി പൂണൂൽ  എടുത്തുകൊടുത്തു  . ആശാൻ:" സ്വാമിക്കോ ?" . ഞാൻ " തൽക്കാലം കാര്യം നടക്കട്ടെ :"...........................വേഷം തുടച്ച് ആശാൻ പുറത്തു വന്നു ; ഞാനും ചെന്നു  . ആശാൻ ;" അയ്യോ സ്വാമീ , ഞാൻ പൂണൂൽ കളഞ്ഞല്ലോ : അങ്ങനയാ പതിവ്  .. പ്പൊ എന്താ ചെയ്ക " . ഞാൻ " സാരമില്ല , കുളികഴിഞ്ഞുവേറെ ഇട്ടോളാം . അപ്പോഴേക്കും ആരാധകർ അടുത്തുകൂടി  . ബ്രാഹ്മണൻ കേമമായി എന്നറിയിച്ചു  . കേമമാകതിരിക്കുമോ ? എന്നു ചോദിച്ച്‌ ഞാൻ ആശാനെ അർത്ഥഗർഭമായ് ഒന്നു നോക്കി  . ആശാൻ ചെറുചിരിയോടെ , " സാക്ഷാൽ ബ്രാഹ്മണന്റെയല്ലേ പൂണൂൽ "